पाणिनी गाउपालिका र डिभिजन वन कार्यालयको समन्वय बैठक सम्पन्न भएको छ । पाणीनि गाउपालिका,डिभिजन वन कार्यालय अर्घाखाँची र पाणिनि सबडिभिजन वन कार्यालय बिच भएको समन्वय बैठक सिनियर डिभिजन वन अधिकृत श्री मोहन प्रसाद श्रेष्ठज्यूको अध्यक्षता एवं पालिका अध्यक्ष श्री टेकराज न्यौपाने ज्यूको बिशेष उपस्थिति सहित वडा अध्यक्ष,कार्यपालिका सदश्य तथा कर्मचारीहरुको उपस्थितिमा वन डढेलो नियन्त्रण तथा वन संरक्षणमा सहकार्यको निर्णय प्रथामिकताका साथ गरिएको छ । त्यस्तै पाणीनि गाउपालिका,डिभिजन वन कार्यालय अर्घाखाँची र पाणिनि सबडिभिजन वन कार्यालयहरुको कार्य बिबरणहरुमा छलफल गरि आगामी दिनमा निरन्तर समन्वय गर्ने, डिभिजन वन कार्यालय अर्घाखाँचीले गाउपालिकासँग निजि तथा सार्बजानिक क्षेत्रको व्यवस्थापन तथा हरियालि प्रबर्द्धन तथा अन्य कार्यालयसँग सम्बन्धित बिषय र सेवाहरुमा निरन्तर समन्वय र सहजिकरण गर्ने निर्णय समेत भएकाे छ ।त्यस्तै पाणिनि गाउपालिकाले पालिकाभित्रको वनक्षेत्रमा हुन सक्ने वन डढेलोलाइ व्यवस्थापन गर्न कार्यक्रम तथा बजेटको बिनियोजन गरेकोमा धन्यवाद दिदै वन डढेलो नियन्त्रणमा वनक्षेत्रका पातपतिङ्गर संकलन,वन डढेलो नियन्त्रण दस्ता समुह परिचालन जस्ता कार्यहरुमा निरन्तर सहकार्य गर्ने गरिनुका साथै पालिकमा सन्चालित सम्बृद्धिका लागि वन कार्यक्रमको कार्यान्वयनको अवस्थामा छलफल गरि उक्त कार्यक्रमलाइ प्रभावकारीरुपमा कार्यान्वयनमा सकृयताका साथ लाग्ने एवं कार्यक्रम कार्यन्वयनको अबधिमा डिबकाबाट समेत आवश्यक सहयोग र समन्वयन हुने निर्णय भएको छ ।
कार्यक्रममा ५० जना सहभागिता रहेको थियो ।
,
